Мицкоски: Нема промена на Устав, додека преговарачката рамка не биде променета

Од:

Христијан Мицкоски, претседателот на ВМРО-ДПМНЕ, смета дека протоколот со кој Македонија ќе треба да исполнува бугарски желби, ја отвора вратата за преговори за Албанија, но не и за нашата држава. Според него, тој е дипломатски нокаут и капитулација. Тој посочи дека за почеток на преговорите ќе треба промена на Устав и вметнување на Бугарите, а тоа нема да се дозволи од ВМРО-ДПМНЕ. Со ова, Мицкоски смета дека ќе може да се промени преговарачката рамка, пред да биде усовена.

„Како дипломатски нокаут и капитулација. Тој протокол ја отвори вратата за преговори на Албанија, а ја подзатвори за Македонија. Како што Генчовска кажа, вистинската Меѓувладина конференција нема да се одржи сега, туку со промена на Уставот. А дека тоа нема да се случи гарант е ВМРО-ДПМНЕ, бидејќи нема 2/3 власта во Парламентот. Генчовска даде пример дека не го признава македонскиот јазик, дали ние ќе одговориме дека не го признаваме бугарскиот јазик. Генчовска бара Бугарите да бидат во Уставот, а бара ние да се откажеме од Македонците во Бугарија. Дали е тоа реципроцитет? Можам и други примери да дадам. Но во суштина зборуваме за дипломатски нокаут за Македонија. Има европска иднина за граѓаните на Албанија, не за граѓаните на Македонија“, кажа Мицкоски.

Тој тврди дека ќе останат на барањето да се промени Преговарачката рамка.

„Процесот за билатерални преговори со Бугарија и протоколи е еден процес, процесот за менување на Уставот е друг и трет е прифаќање на предлог преговарачката рамка. Тие три процеси не треба да ги поврзуваме еден со друг. Да бидам попрецизен, протоколот кој го потпиша Бујар Османи, ја отвори вратата за Албанија да ги почне преговорите, но не и за Македонија. За да ги почнеме преговорите, ќе треба да се промени Уставот, па да се свика Меѓувладина седница, па да биде усвоена преговарачката рамка. Дека нема да биде сменет Уставот, доказ се 44 пратеници на ВМРО-ДПМНЕ, плус пратениците на опозицијата. Преговарачката рамка не е усвоена, бараме да биде променета“, додава Мицкоски.

Би можело да ве интересира

СДСМ: Наместо македонскиот ветер да го користи за поевтина струја, Мицкоски се фали со профит за приватен инвеститор

Предраг Петровиќ

Мицкоски до Економско-социјалниот совет: Ќе донесеме добри решенија ако на сите ни е подеднакво важен интересот на граѓаните

Катерина Ѓуровски

Мицкоски: Просечната плата треба да е уште поголема, некрофилите од опозицијата лажат дека платите не растеле

А1он

Мицкоски не кажува како ќе гласа ВМРО-ДПМНЕ за интерпелацијата за Коцевски, ама тој вели не ги менувал ставовите преку ноќ

Мицкоски од Кичево: Народот е изморен од лаги и празни ветувања – опозицијата „боледува од вирусот на безидејноста“

А1он

СДСМ: Дали власта спрема огромна корупција: Ќе соработува со Казанџи Холдинг, чија ќерка фирма АКСА ЕНЕРЏИ е обвинета за корупција во Гана