Мицкоски: Нема никаков основ за интерпелација на претседателот на Собранието

Од:

Нема никаков основ за интерпелација на претседателот на Собранието Африм Гаши, смета премиерот Христијан Мицкоски. Во одговорот на новинарското прашање за утрешната интерпелација на Гаши, Мицкоски е дециден дека пратеничката група на ВМРО-ДПМНЕ нема да поддржи таква интерпелација.

– Апсолутно, нашиот став е јасен како ВМРО-ДПМНЕ и како пратеничка група на коалицијата „Твоја Македонија“ предводена од ВМРО-ДПМНЕ дека ова е незрело, би рекол глупаво однесување на коалицијата СДСМ, ДУИ и Левица и дека апсолутно нема никаков основ за интерпелација на спикерот Гаши. Ние нема да ја поддржиме таквата иницијатива, изјави Мицкоски.

Премиерот посочи дека имаат голем број аргументи, зошто не ја поддржуваат интерпелацијата за претседателот на Собранието, Гаши.

– Затоа што разликата на водењето на Македонија меѓу оваа Влада и онаа Влада предводена од СДСМ и ДУИ е огромна, односно тоа веќе и се чувствува и насекаде можете низ Македонија да забележите дека надежта кај граѓаните е дека конечно ќе успееме, дека доста се порази и дека конечно ќе почнеме да победуваме, изјави Мицкоски, кој присуствуваше на првиот училиштен ден во ООУ „Стив Наумов“ во населбата Автокоманда во Општина Гази Баба.

Би можело да ве интересира

Гаши: Останувам во коалицијата „Влен“

Мицкоски: Нека светлината на Воскресението биде водилка во нашите заеднички напори за изградба на праведно и хумано општество

Мицкоски во Дубаи ги претстави можностите за инвестирање во Македонија

Кога сме раздвоени, кога сме поделени, тогаш сме лесен плен за предаторите, рече Мицкоски на 34 години од формирањето на УМС

Мицкоски: Никој нема да биде поштеден за Ласкарци, Беса Транс и за модуларната болница во Тетово

Горан Наумовски

Владата е обединета, единствена, имаме чиста двотретинска поддршка, тврди премиерот Мицкоски