Мицкоски: Не прифаќаме уцени кои не оддалечуваат од европските вредности

Од:

Нашата држава чекори по европскиот пат со отворено срце и разум, со прифаќање на европските вредности, меѓутоа се противиме на уцените кои не се дел од тие вредности. Не прифаќаме наметнувања под маска на европскиот процес. Европа е дом на правото, на правдата, на достоинството. Тоа се вредностите што ги прифаќаме – сè друго е туѓо за ЕУ, и туѓо за нас, порача денеска премиерот Христијан Мицкоски на заедничката прес-конференција со еврокомесарката за проширување, Марта Кос во рамки на лидерскиот самит на Европската Унија и Западен Балкан посветен на Планот за раст.

Мицкоски нагласи дека на Самитот, кој денеска се одржува во Скопје, Македонија влегува како држава со јасна насока.

-Нашите реформи не се декорација. Тие се потреба. И ние нема да чекаме некој да не’ турка. Ќе се движиме самите, со сопствената волја, со конкретен план и со јасна визија. Испорачуваме резултати, не затоа што тоа некој го бара од нас, туку затоа што тоа го заслужуваат нашите граѓани. Ќе продолжиме да ги следиме европските вредности не затоа што тоа ни го наложува некој, туку затоа што тоа е нашиот избор, нашиот пат, нашата определба. И затоа, благодарни сме за поддршката од Европската комисија, но уште повеќе сме решени сами да си помогнеме, да ги спроведеме реформите и да ја трансформираме државата, со инвестирање, со работа, со доверба во сопствените сили и со партнерство со ЕУ, нагласи Мицкоски.

Премиерот посочи дека денеска во Скопје се домаќини, но и партнери и сојузници на една заедничка визија, за регион што не се дефинира преку своите проблеми, туку преку своите можности.

-Визијата за Западен Балкан кој се приближува кон Европската Унија не со зборови, туку со дела, со реформи, со резултати, со интеграција што се чувствува во секојдневниот живот на граѓаните. Фактот што сме домаќини на овој лидерски самит е важна симболична потврда за нашата регионална и европска релевантност. Тоа не е случајност. Тоа е резултат на политичкиот капитал кој го вложивме во стабилноста, реформите и конструктивниот пристап. Ова е признание за улогата што нашата држава ја има во градењето мостови и создавањето решенија, истакна Мицкоски.

Тој рече дека на денешните разговори се фокусирале на реализацијата на Планот за раст на ЕУ за Западен Балкан. Нагласи дека за нас овој план не е формалност, туку алатка преку која ќе се трансформира државата.

-Ќе ги модернизираме јавните услуги, ќе го унапредиме образованието, ќе инвестираме во енергетска и дигитална инфраструктура. Ќе ја направиме државата вистински европска дома – пред да стане формално дел од ЕУ, додаде Мицкоски.

На новинарско прашање за тоа како и појаснил на Кос за доцнењата на три министерства со клучните реформи од реформската агенда, Мицкоски истакна дека не би рекол дека има доцнење ние сме над оној просек шкако држава шѓто го спонема комесарката од 75, ние сме некој процент над тоа со законите, кои се во моментот во Парламентот, и многу скорк денска тоа ќе биде завршени и ќе бидат ие обврски кои се преземени со планот за раст

Би можело да ве интересира

Филипче по средбата со Кос: Потребен е внатрешен консензус за евроинтегративниот пат на државата

Кос: Членството во ЕУ е најдобар начин да се заштити идентитетот, културата и јазикот на Македонците

Катерина Ѓуровски

Западен Балкан веќе не е чекалница и одбива да биде оставен назад, порача Мицкоски од Самитот во Скопје

Катерина Ѓуровски

Кос: Реформите кои ги бараме задираат во закоравени структури на интереси и на моќ, на лидерите е да ја водат реформата

Лидерска средба ЕУ – Западен Балкан во Скопје, фокус на Планот за раст

Катерина Ѓуровски

Мицкоски по средбата со Кос: Ја истакнав определбата на Владата за интеграција во ЕУ, достоинствено

А1он