Мицкоски: Имаме индиции кој ја фрлил експлозивната направа во објект на Мисајловски

Од:

Лидерот на ВМРО-ДПМНЕ Христијан Мицкоски денеска изјави дека разговарал со Владо Мисајловски за фрлената експлозивна направа и дека ги знае деталите.

– Индициите се дека ги знаеме сторителите, врз основа на информациите кои ги добив, патувајќи кон Куманово. Има индиции за сторителите на ова дело, го охрабрувам МВР, СВР Скопје, надлежните, што побрзо да го расветлат ова недело. Јас сум свесен за стравот којшто определени структури политички, политичари го чувствуваат поради дебаклот којшто ќе им се случи на 15 јули и ги повикувам да не конструираат вакви сценарија, бидејќи и после 15 јули треба да има живот во нашата држава, рече Мицкоски.

Тој рече дека вакви сценарија не се добро за никого, бидејќи може да биде лошо и за државата, бидејќи треба да се почнат преговори со ЕУ, за да стане членка на Унијата.

Тој го осуди овој чин и порача дека не се плашат.

– Напротив, ако тоа им е целта на овие криминалци диригирани од еден центар на моќ и оркестрирани и сценарирани од страна на власта, декa не им се плашиме, напротив ова повеќе не мотивира, рече Мицкоски.

Тој додаде дека ќе чекаат институциите да го расветлат настанот, а доколку тоа не се случи вети дека после 15 јули „ќе ги стигне правдата и ќе бидат пример како се постапува во новата Влада, предводена од ВМРО-ДПМНЕ, кога прaвдата ќе затропа на вратите на злосторниците и криминалците коишто ја злоупотребуваат сегашната ситуација за да спечалат политички поени“.

Би можело да ве интересира

Мицкоски: Македонскиот јазик е многувековен, тој е нашиот бедем и неспорен идентитет

А1он

Заврши средбата Мицкоски – Таравари, до крај на мај ќе се знае иднината за функционирањето на АА во Владата

А1он

Ребаланс на Буџетот кон крајот на јуни

Таравари ќе му објаснел на Мицкоски работи што не ги знаел, премиерот вели никого не моли

Катерина Ѓуровски

Останува ли Таравари во Владата, денеска треба да му каже на Мицкоски

Состојбата во владината коалиција е одлична оценува Мицкоски, најави средба со Таравари

Катерина Ѓуровски