Мицкоски: ГРЕКО потврди оти Македонија ја напушта ерата на селективна правда и политичка недопирливост

Од:

Кога ја презедовме одговорноста да ја водиме државата, најдовме институции заглавени во мрежа од злоупотреби, клиентелизам и системска корупција. Корупцијата не беше појава – беше правило, а правдата беше селективна. Владата беше сервис на моќни интереси, а не на граѓаните. Тоа беше сликата која ја наследивме. И затоа, една од првите и најрешителни борби што ја започнавме беше токму борбата против високата корупција. Во таа борба, денес имаме и прва поголема потврда од меѓународната заедница. По години на институционален мрак, извештајот на ГРЕКО објавен вчера е сигнал дека Македонија се движи напред, кон систем што функционира.

Ова го нагласи премиерот Христијан Мицкоски на денешата седница на Националниот комитет за спречување насилен екстремизам и борба против тероризам.

Мицкоски потенцира дека ГРЕКО потврди оти Македонија ја напушта ерата на селективна правда и политичка недопирливост.

-Со затворањето на постапките за усогласување, Групата на држави против корупција на Советот на Европа испрати јасна порака: дека постојат видливи резултати, конкретни подобрувања и силна политичка волја за прекин со старите практики. Ова не е само административно признание – ова е институционална пресвртница, рече премиерот.

Според него, првпат по долго време, државата не е предмет на критика, туку на признание за сериозен напредок во борбата против корупцијата.

-Тоа ни дава поттик, но уште повеќе носи одговорност. Борбата против корупцијата не е декларација туку системска промена што сега добива и меѓународна потврда, нагласи премиерот на седницата.

Мицкоски, меѓудругото, истакна дека работата на Националниот комитет за спречување насилен екстремизам и борба против тероризам има особено значење за стабилноста, безбедноста и отпорноста на државата.

-Денешната седница ја третираме не само како координациска, туку како суштинска точка во еден поширок напор: напор да создадеме систем што ќе ги препознава ризиците на време, ќе реагира ефикасно и ќе обезбеди долгорочна заштита на граѓаните. Насилниот екстремизам и тероризмот не се само закани по безбедноста- тие се индикатори на подлабоки слабости во системот. И затоа борбата со нив не може да биде изолирана, туку мора да се води паралелно со јакнење на институциите, на правната држава и на јавната доверба, рече тој.

Тој потсети дека екстремизмот, радикализацијата и насилството често цутат таму каде што државата е слаба, а институциите се корумпирани и затоа, додаде, нашата стратегија е јасна – градење на сигурна држава, со функционални институции, професионална полиција и отпорно општество.

-Овој Комитет не е симболичен, туку оперативен инструмент. И очекувам од сите учесници, безбедносни, општествени, образовни и локални да дејствуваат координирано, без одлагање и без калкулации. Продолжуваме со иста сериозност, без еуфорија, но со целосна трезвеност. Затоа што борбата за стабилна, сигурна и правична Македонија не се добива со зборови, туку со дела, заклучи премиерот во обраќањето на седницата.

Би можело да ве интересира

Владата не може да го разреши Коцевски поради изборите, процесот ќе го продолжи од ноември

Катерина Ѓуровски

Мицковски најавува преговори за дополнително намалување на царините од САД

СДСМ: Наместо македонскиот ветер да го користи за поевтина струја, Мицкоски се фали со профит за приватен инвеститор

Предраг Петровиќ

Мицкоски до Економско-социјалниот совет: Ќе донесеме добри решенија ако на сите ни е подеднакво важен интересот на граѓаните

Катерина Ѓуровски

Мицкоски: Просечната плата треба да е уште поголема, некрофилите од опозицијата лажат дека платите не растеле

А1он

Мицкоски не кажува како ќе гласа ВМРО-ДПМНЕ за интерпелацијата за Коцевски, ама тој вели не ги менувал ставовите преку ноќ