Мицевски: Владејачкото мнозинство само себе се блокира во Собранието бидејќи нема 61 пратеник

Од:

Координаторот на пратеничката група на ВМРО-ДПМНЕ Никола Мицевски денеска изјави дека владејачкото мнозинство во Собранието во моментов само себе се блокира бидејќи нема 61 пратеник за одржување седници.

-Зголемување на мнозинство од почетокот на годината јас не видов. Парламентот не може да собере 61 пратеник за утврдување на дневен ред и почнување на одредена седница. Разговори гледаме дека има кога ќе завршат ќе се произнесеме. Наше мислење е дека во моментов немаат 61 пратеник и дека Собранието не работи, односно активна блокада на пратениците на ВМРО-ДПМНЕ моментално е ставена во мирување. Сами себе се се блокираат затоа што немаат 61 во Собранието, рече Мицевски.

За коментарите дека се потребни шестмина до осум пратеници од ВМРО-ДПМНЕ за да се постигне бројката од 80 пратеници за уставни измени, Мицевски вели: Кај нас викаат „Прво средете си го сопствениот двор, па после гледајте во туѓите дворови“.

-На ова законско решение (предлог закон за амнестија на лицата осудени во настаните од 27 април) потпишани се 44 пратеници од ВМРО-ДПМНЕ и коалицијата така што самото потпишување на 44 пратеници на ова и поддршката што ја имаме од целата пратеничка група дава доволен одговор на сите калкулации и на сите спинови кои сакаат да се направат на темата, истакна Мицевски.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови