Македонскиот полициски синдикат (МПС) викендов во Охрид потпиша Меморандум за соработка со Меѓународната полициска асоцијација (ИПА). Станува збор за документ што предвидува интензивна соработката помеѓу полицискиот синдикат и меѓународното полициско здружение базирана врз принципите на искрена и колегијална соработка, неполитичка и стручна соработка, меѓусебна солидарност, поддршка и меѓусебно почитување и почитување на членството.
Меморандумот предвидува и организирање стручни заеднички семинари, работилници, спортски, културни, промотивни и други настани, со цел јакнење на професионалните вештини на полициските службеници, јакнење на колегионалноста и градење на меѓусебниот углед на домашно и меѓународно ниво. Предвидени се и други форми на меѓусебна професионална соработка.
Меморандумот за соработка го парафираа Златко Цветковски, генерален секретар на Македонскиот полициски синдикат и Игно Стојков , координатор за активности на ИПА со МПС и претседател на ИПА регион Скопје.