Првата детска амбасада во светот „Меѓаши“ денеска ќе го презентира извештајот за работата на СОС телефон за деца и млади 0800 1 2222 и службите за директна помош и поддршка на децата за периодот од јануари до 30 ноември 2014 година.
Ќе бидат сублимирани и презентирани статистички обработените податоци, генералните заклучоци и препораки за подобрување на состојбата со правата на децата во Република Македонија, како и конкретни случаи, импресии и согледувања од работата на СОС телефонот за деца и млади.
За генералните заклучоци и препораки од работата на СОС телефонот за деца и млади и службите за дирекна помош и поддршка при Детската амбасада „Меѓаши“ ќе говори извшниот директор и основач на „Меѓаши“ Драги Змијанац.
Презентации ќе имаат и Јана Зенговска – психолог, координатор на СОС телефонот за деца и млади и Катерина Конеска, правник и раководител на програми во Првата детска амбасада во светот „Меѓаши“.