Меџити: Наша обврска е на учениците да им овозможиме што подобри услови за учење и развој

Од:

Првиот вицепремиер и министер за животна средина и просторно планирање, г. Изет Меџити, денес го посети Основното училиште „Васил Главинов“ во Чаир, при што информираше дека кампањата за чистење и подготовка на основните училишта за почетокот на наставниот процес на 1 септември е завршена, стои во соопштението на Министерството за животна средина и просторно планирање.

„Денес одблизу ги видов подготовките за почетокот на новата учебна година во Основното училиште „Васил Главинов„ во Чаир, со што ја заокруживме кампањата за генерално чистење на сите основни училишта во Општина Чаир. Со ова, училиштата се целосно подготвени да ги пречекаат учениците на 1 септември“, изјави Меџити.

Меџити нагласи дека една од најпозитивните карактеристики на ова училиште е тоа што тука учат ученици од сите етнички заедници кои живеат во Чаир, добар пример за соживот и меѓуетничка хармонија.

„Наша обврска е на учениците, кои за среќа се многубројни во Општина Чаир, каде што само бројот на првоодделенци е околу 1.000 деца, да им овозможиме што подобри услови за учење и развој“, додаде Меџити.

За време на оваа посета, Меџити исто така најави дека наскоро ќе го промовира концептот за настава во една смена, почнувајќи од Основното училиште „Конгреси и Манастирит“, од 1 септември.

Првиот вицепремиер Меџити им се заблагодари на раководителите на основните училишта и наставниот кадар за нивната максимална посветеност, за 1 септември да не затекне подготвени да ги пречекаме првоодделенците со достоинство и почит.

Би можело да ве интересира

Меџити: Дали Османи и Ахмети ќе продолжат да стојат пред ВМРО-ДПМНЕ за да прават влада со „албанофобот“ Мицкоски

Катерина Ѓуровски

Влен: Синоќа Скопјe беше трансформирано во центар на албанското единство

Горан Наумовски

Вреди е измама, е „политичкиот Франкенштајн“ на Мицкоски, велат од ДУИ

Горан Наумовски

Меџити: Чаир ќе добие подземни контејнери и 3.000 нови паркинг места

А1он

Фазлиу: Парите на тајниот шеф на полицијата Мијалков, преку фамилијата на Али Ахмети, завршуваат кај режимот на Александар Вучиќ

Меџити: Ахмети не зборува ништо за „српскиот свет“, бидејќи лобисти се неговиот син и неговото семејство