Меџити најавува масовни вработувања во администрацијата: Ќе создадеме илјадници работни места за Албанците

Од:

Првиот заменик-претседател на Владата на Македонија и претседател на Демократското движење, Изет Меџити, ветува вработување на Албанците во државната и јавната администрација. На партискиот настан по повод основањето на огранокот на Демократското движење во Шуто Оризари, Меџити истакна дека за една година Владата ќе реализира повеќе вработувања отколку што се направени во двата претходни мандати од другите албански политички субјекти.

„За прашањето на вработувањата, за една година ќе направиме онолку вработувања колку што тие направија за два мандати, осум години во Владата. Значи, ќе бидат стотици, ако не и 2-3 илјади Албанци во државната и јавната администрација и насекаде каде што има потреба од обновување на тие работни места, со што ќе се елиминира една пречка и проблем на нашите граѓани, за да не заминуваат во странство и да не ја гледаат својата перспектива надвор од државата“, изјави Меџити.

Тој додаде дека Демократското движење е посветено на обезбедување поправично и подостоинствено претставување на Албанците во државните институции, создавајќи конкретни можности за вработување и професионален развој.

Би можело да ве интересира

СДСМ: Меџити најавува илјадници партиски вработувања, се спрема масовна партизација пред изборите

Не се преговара за промена на химната и грбот, ама нема ниту табу теми вели Меџити

Катерина Ѓуровски

Меџити: Имаме забелешки за работата на Илире Даути, но не поддржуваме иницијативи од Левица

Пратениците ќе расправаат за интерпелациите за Меџити, Стоилковиќ, Тошковски, Исени и Даути

Меџити за интерпелацијата од ДУИ: Сè уште прават тенденции за дестабилизација само да се спасат од правдата

ДУИ: Стоилковиќ и Меџити – две страни на истата политика