Медитеранските палми едвај ја преживеаја скопската зима

Од:

Оваа зима ги докусури палмите од Луна Паркот, оние пак поставени до Камениот мост успеаја да преживаеат бидејќи навреме беа засолнети од студот, велат од Паркови и зеленило. Цела зима се грееле на дрва, а деновиве се изнесени надвор и чекаат налог од градот за повторно да бидат вратени на градските плажи. Иако животниот век на овие растенија изнесува над 50 години, се чини медитеранските палми тешко ги преживуваат скопските климатски услови.

Пред грижата за нив да ја преземат паркови и зеленило, палмите беа во незавидна состојба. Експертите уште при нивното засадување предупредуваа дека бетонските саксии се непогодни за живот на овие растенијата. Од јавното претпријатие убедуваат дека направиле се што е во нивна моќ за да бидат опоравени. 15-те палми од плажата кај Камениот мост сега се во добра состојба. Од оние пак на плажата кај Луна паркот, едвај живуркаат уште 5, но и за нив нема гаранција дека ќе преживеат.

Само за набавка на 15-те палми кај Камениот мост градот потроши 15 000 евра, но со останатите трошоци се претпоставува дека сумата порасна до 25 илјади евра, пари на граѓаните. Иако беа најавувани како револуционерен проект, се чини ниту сенките на палмите не беа доволно добра причина да ги натераа скопјени, за време на летните горештини да се засолнат на градските плажи.

Јасмина Јакимова

Би можело да ве интересира

Ѓорѓиевски: Да живее слободно Скопје

Левица: Извештајот на Европската комисија забележува дека ДПМНЕ подготвува европска престолнина на културата по вмровски рецепт за партиска контрола и нетранспарентно трошење

(ВИДЕО) Полицијата го казни возачот кој со автомобил возеше по велосипедска патека во Скопје

А1он

Тројца скопјани и струмичанец крадеа и убија две жртви во Ѓорче Петров

Горан Наумовски

Ѓорѓиевски: Кобилата и ждребето родено на улица во главниот град згрижени во ЗОО, МЗШВ и АХВ да постапат

Предраг Петровиќ

Бела ноќ повторно во Скопје

Предраг Петровиќ