За скандалот и острите реакции по објавувањето на некролог за нацистичкиот злосторник, и заменик на Хитлер, Рудолф Хес, се огласи „Медиа принт Македонија“.
„Медиа принт Македонија“ им се извинува на читателите на дневните весници „Дневник“ и „Вест“ за, како што велат, ненамерниот пропуст направен со објавување тажен помен “По повод 25 години од смртта на Рудолф Хес“, објавен од приватно лице во „Мали огласи и тажни помени“.
„Медиа принт Македонија“ ги известува читателите дека огласниот простор е злоупотребен за пласирање содржини, кои ниту редакцијата, ниту компанијата, не само што не ги подржуваат, туку и остро ги осудуваат. Оваа злоупотреба, стои во соопштението, компанијата ја пријавила во полицијата за натамошна истрага.
Појаснуваат дека во огласите уредуваќката политика на весниците нема удел. Тоа, велат е закупен простор.
Станува збор, велат, за злоупотреба без преседан и се случува прв пат во нашата досегашна работа. За конкретниот случај ќе биде спроведена и внатрешна истрага.