МВР извести дека вчера во 10.30 часот во Битола, полициски службеници го уапсиле Н.Д.(29) од Битола.
Тој се сомничи дека од февруари 2023 до 31.8.2024 во повеќе наврати преку социјална мрежа упатувал закани кон 49 – годишна жена од Битола и нејзиното семејство и на тој начин од неа изнудил околу 400.000 денари.
Н.Д. бил затекнат при примање пари од жената, кои биле пронајдени и одземени. Со наредба на Основен суд Битола, бил извршен и претрес во неговиот дом, при што биле пронајдени и одземени две ловечки пушки, различни видови патрони за ловечка пушка и други предмети за кои постои сомнение дека потекнуваат од кривичното дело.
Уапсениот бил приведен во полициска станица и против него по брза постапка е поднесена кривична пријава, додека од судија на претходна постапка му е одреден притвор од 30 дена.