Во организација на здружението „Јустиција“ денеска по трет пат во Куманово се одржа маршот за родова еднаквост.
Оваа година маршот е симболичен поради, како што објасни претседателката на здружението, Оливера Доцевска, општествено-политичките прилики во кои се наоѓа државата.
Членките на здружението и граѓани маршираа од градскиот плоштад до малиoт плоштад во Куманово, каде што пред споменикот Жена Борец оставија бели цветови, во знак на почит кон сите оние кои дале придонес за родовата рамноправност.
– И оваа година протестираме за родова рамноправност во поделбата на политичките функции, еднаков број на министерски места, еднаков број на градоначалнички места, за правото на сите жени за работа, бидејќи се уште има жени на кои им се забранува да работат, рече Доцевска.
Членките на здружението поделија цветови на продавачките на осмомартовското пазарче кое е лоцирано на градскиот плоштад.