Бошњачката културна заедница во Република Македонија, денеска по повод 19 години од геноцидот во Сребреница организира Марш на мирот насловен „Сребреница – Совеста на светот“.
Беше предвидено маршот да се одржи на 11 јули, кога насекаде во светот се одбележува ова најголемо масовно убиство во Европа по Втората светска војна, но поради најавените масовни протести поради случајот „Монструм“ овој настан е одложен.
Целта на настанот е да покажеме дека и Скопје се сеќава на Сребреница, истакнувајќи дека овој грозоморен чин треба да се сочува од заборавот, и никогаш,никаде на никого да не му се случи тоа што им се случи на Бошњаците од Сребреница во 1995 година, велат од Бошњачка културна заедница во РМ.
Во 14:30 часот маршот тргнува од Мурат-пашина џамија, која се наоѓа во Старата скопска чаршија, ќе се движи кон фонтаната Филип II и во 15 часот застанува на Камениот мост каде пред пресутните медиуми ќе се прочита Меморандумот за жртвите на Сребреница.