Се уште се активни и не можат да се стават под контрола пожарите што вчера избувнаа во Мариово, кај Витолиште, и во месноста Ѓупка во подножјето на Кожуф.
На теренот во Мариово се 40-тина вработени од шумското претпријатие „Црн Бор” од Прилеп, подружница на „Македонски шуми” и 5 пожарникари.
Гори нискиот дел од боровата шума, а пожарникарите и се обидуваат пламените јазици да не се прошират.
Локалната самоуправа во Гевгелија побара од Владата и од другите надлежни државни органи во гаснењето на пожарот да се вклучат канадерите кои од утрово дејствуваат на ова подрачје.
