Марија Рашковска од ВМРО-ДПМНЕ ќе го наследи лидерот на Социјалистичката партија Љубисав Иванов – Ѕинго на пратеничкото место во Собранието, по неговото повлекување од функцијата.
Извештајот на Државната изборна комисија за прифаќање на остатокот од мандатот со кој се утврдува Рашковска за наследник на местото на Иванов во вторник ќе биде разгледуван на Комисијата за деловнички и мандатно-имунитетни прашања.
Рашковска е родена 1984 година во Берово. Дипломирала политикологија на Универзитетот „Св. Кирил и Методиј” во Скопје. Пратеничката функција ја извршуваше и во периодот 2008-2011 година.