Мандатарот очекува конструктивна дебата за избор на новата Влада, коалицијата е обединета околу четири столба

Од:

Претседателот на ВМРО-ДПМНЕ и мандатар Христијан Мицкоски денеска изјави оти на собраниската седница за избор на новата влада очекува конструктивна дебата и дека треба да заврши за два дена односно до недела на полноќ. Владината коалиција составена од ВМРО-ДПМНЕ, коалицијата Вреди и ЗНАМ, како што кажа, се обединува околу четири столба и тоа борба против корупцијата и криминал, подобрување на стандардот на граѓаните, забрзување на процесот на евроинтеграции и рамномерен развој.

-Постојат четири столба околу кои се обединува владината коалиција. Првиот е најважен – борба против криминалот и корупцијата, вториот подобрување на стандардот на граѓаните односно економската состојба во целина, третиот забрзување на процесот на евроинтеграции на Македонија како држава и четвртиот се разбира дека е рамномерен развој, забрзување на процесот на децентрализација итн, рече Мицкоски.

Мандатарот кажа дека планот е владината коалиција да се држи до тие четири столба. – Планираме за разлика од изминатите четири години да бидеме исклучително успешни. Амбицираме да бидеме најуспешна влада во овие три децении независна македонска држава и треба да видиме како сето тоа ќе функционира од понеделник. Јас сум убеден дека ќе функционира успешно, дека убави денови доаѓаат за македонските граѓани, за Македонците, за Албанците, за Ромите и за Турците, за Власите, за Бошњаците…Нема да ги делиме граѓаните на вакви и такви, на политички определени или неопределeни, според верска, според национална припадност, политичка припадност…Како што кажав, граѓанинот е нашиот центар, оска околу која сите ние ќе конвертираме и се што е во интерес на граѓаните, рече Мицкоски.

Составот на идната влада е веќе познат, а во јавноста веќе се изнесуваат имиња и на заменици министри. Запрашан за тоа кои се кадровските решенија на ВМРО-ДПМНЕ за овие решенија, Мицкоски вели дека

-Како коалиција „Твоја Македонија“ предводена од ВМРО-ДПМНЕ, мислам дека 11 или 12 ќе бидат. Вообичаена пракса е на неколку недели по изгласување на кабинетот со министри да дојде на ред и со заменици министри. Многу скоро ќе биде доставен и списокот со замeници министри кои ќе дојдат од редовите на коалицијата, рече мандатарот.

Претседателот на Собранието Африм Гаши седницата за избор на новата Влада ја закажа за сабота во 11 часот, а таа треба да заврши до недела на полноќ.

Би можело да ве интересира

Мицкоски за дипломатските пасоши на антикорупционерите: Не мислам дека треба да се расфрламе со имотот на граѓаните

Мицкоски: Нема да дозволам сопственици на веледрогерии да се богатат на сметка на здравјето на граѓаните

(ВИДЕО) Мицкоски за СДСМ: Оставија буџет без пет милијарди денари за пензионерите и 3,7 милијарди денари за земјоделците

(ВИДЕО) Секој заслужува шанса, вели Мицкоски за предлозите за заменици-министри

Горан Наумовски

СДСМ: Дали Мицкоски патувал за Вашингтон во луксузна бизнис класа со карта која чини над 4.000 евра?

Предраг Петровиќ

Мицкоски: Транзитот на гас низ Македонија е во корист на Европа – работиме на изградба на интерконектори