Б.С. пријавил дека синоќа на улица Козле, додека го управувал својот автомобил на коловозот излегле три малолетни лица кои му го попречиле патот и не можел да помине со возилото.
Тој го паркирал возилото по што дошло до мала расправија, а по кратко време на местото дошле повеќе лица, најверојатно роднини на малолетниците и физичко го нападнале Б.С. удирајќи го со тупаници во пределот на главата и телото.
Во еден момент во настанот се вмешало и друго повозрасно лице со намера да му помогне на пријавителот, односно да појасни дека не ги удрил децата, но и тој бил физички нападнат со удари со тупаници по главата и телото.
Полицијата презема мерки за целосно расчистување на настанот.
