Кандидатите за градоначалнк на Скопје и на Општина Бутел од „Сојузот за иднината“ Јани Макрадули и Коста Начевски денеска ветија дека во рамки на нивниот „проект 10“ е предвидено формирање градски квартови во секоја општина.
Според Макрадули, во квартовите, жителите ќе добиваат корисни информации за работата на градската администрација. Проектот, истакна, е од голема важност и ќе им го олесни секојдневниот живот на граѓаните.
– Секој од овие квартови ќе има најмалку 10 работи или 10 причини за некој да го посети. Тие квартови ќе вклучат места за одмарање, игралишта за деца, галерија за уметнички изложби, катче за уживање во музика, вкусување локални специјалитети, шах клуб за пензионерите, изјави Макрадсули.
Тој најави дека во квартовите ќе има и многу зеленило и канцеларија во која граѓаните ќе се информирале за тековните градски активности и ќе можеле веднаш да ги добијат сите документи и одобренија кои се во надлежност на градот.