„Премиерот не живее во оваа држава, бидејќи повеќе патува отколку што е во Македонија, ама мислев дека пратениците на ВМРО-ДПМНЕ живеат во Македонија“, вака Јани Макрадули ја започна дискусијата по измените кои тие ги предлагаат во Законот за готовинско плаќање.
СДСМ бара дуќанџиите да не бидат казнувани драконски , и наместо веднаш да ги затвораат да им биде изречена опомена.
Силвана Бонева и пратениците од владеачката партија ги праша дали носат пари во џеб, бидејќи двајца дуќанџии, според законот, се казнети, едниот бидејќи имал пари за да си купи појадок, а вториот за автобуска карта.
„Дали смеат пари за појадок да имаат или треба да се хранат гледајќи Сител и Канал5? Државната каса ви е празна, трошите за глупости. Која инвестиција ќе ја донесе премиерот со делегацијата од прошетката во Сад и Канада.Циркус од Скопје правите , а премиерот се луксузира. И Државниот завод за статистика ли лаже кога кажа вчера дека индустриското производство паѓа 11 месеци по ред? Христијански или неонацистички е ако ги казнувате дуќанџиите, еден ден откако СДСМ ги посетил?, праша Макрадули.
„Според вас државата треба безумни луѓе да ја водат, кои нема да ги прибираат давачките и да ги уништува сите. Заложба на СДСМ е да прави револт кај граѓаните и да ја уништува државата.Никаде не стои дека треба да се претресуваат вработените. Тоа инспекторите од СДСМ самоволно го прават на дуќанџиите од ВМРО-ДПМНЕ.Така мене ми се жалат“, реплицираше Силвана Бонева..
„Срамота е да ги делите инспекторите на оние од СДСМ или ВМРО-ДПМНЕ. Тоа вие го знаете. Срамота е за 50 денари вишок во каса, да затворате дуќани“, рече Макрадули.
Ова е втор дена дебата за законот. ВМРО-ДПМНЕ не ги прифаќа измените, и за нив ова е популистички потег на опозицијата.