Предлогот на Лилјана Поповска, од ДОМ, стручната јавност да учествува во оформувањето и изградбата на градот Скопје, за опозицијата е легитимен, но задоцнет. Поповска предлага внесување на поимите градски архитект и градски совет на архитекти, кои ќе се грижат за обезбедување одржлив и хармоничен урбан развој на градот Скопје како единствена просторна и функционална целина, во насока на квалитетно живеење и заштита на животната средина.
„Скопје има главен архитект, тоа е Никола Груевски. Градоначалникот е како вработен како во „Горење “, само пере пари“, рече Јани Макрадули. Ја праша Бонева зошто не се качи на тенк и не се буни за урбаното „силување“ на Скопје.
Лилјана Поповска ги отфрли квалификациите за нацистичка власт и диктатура и рече дека ова е за доброто на Скопје.
„Она што му се случи на Скопје е злосторство и криминал. И за жал не постои козметички начин ова да се реши.Ова е ситуација кога најлоште платстични хирурзи , прават операции од кои излегуваат монструми .
За Емилијан Станковиќ ова е урбанистичко лудило, потпорен зид паѓа и општина Центар и Министерство за транспорт не можат да се договорат кој е одговорен.
„Каде ВМРО стапнало во урбанизмот-таму трева не расте“, рече Станковиќ.
Илија Димовски, реплицираше и праша, зошто ништо не се градеше во времето на СДСМ, и дали парите за шверц само биле? Праша што договориле со Тачи
Ивон Величковски одговори, дека договореното ќе се види во март.