Албанската полиција на граничниот премин Ќафасан, на албанско-македонската граница, кај Струга, запленила 273 килограми марихуана и го уапсила македонскиот државјанин Н.Д.(40).
Според полицијата, дрогата била пакувана во 1.563 пластични кутии, скриени меѓу 800 дрвени палети од дрво натоварени во камион шлепер марка „волво“ со регистарски таблички OH9622AB.
Возилото, со кое управувал македонскито државјанин, чекало на излез од Албанија. Било контролирано со скенер, по што цериниците се посомневале дека во него има и дрога. При деталната контрола била откриена дрогата која требало да влезе на македонска територија.
Материјалите за понатамошната истрага се во Обвинителството за тешки кривични дела во Тирана за кривино дело „недозволена трговија со наркотици, во обид“.
Полицијата се сомнева дека во овој шверц се вмешани и други лица, поради што истрагата ќе се прошири и во Македонија.