„Два македонски авиони ќе и помогнат на Бугарија да се справи со огнената стихија која беснее во земјата“, одлучи Владата на Република Македонија.
„На денешната владина седница беше одлучено да се стават на располагање авиони како потенцијална помош за Бугарија за справување со пожарите кои што во овој период се присутни во оваа земја, особено во регионот на Софија и падините на планината Витоша“, стои во соопштението од владата.
Доколку Бугарија побара помош, Македонија ќе испрати два специјализирани авиони за гасење пожар, како и екипаж со шест члена кој ќе ги управува авионите.
