Делегација на Владата на Република Македонија составена од министерот за финансии Драган Тевдовски и министерот за информатичко општество и администрација Дамјан Манчевски, во следните два дена (13-14 декември) во Париз, ќе учествуваат на СИГМА министерската конференција насловена „Добро деловно јавно управување, сервис за граѓаните и бизнисите“.
Дел од владината делегација, по специјална покана од организаторите е и Генералниот секретар на Владата на РМ, г-динот Драги Рашковски.
Меѓународната конференција, на која ќе учествуваат претставници од 18 партнерски земји е во знакот и на одбележувањето на 25 – годишнината од СИГМА програмата, која што претставува успешно долгорочно партнерство помеѓу Организацијата за економска соработка и развој (ОЕЦД) и Европската унија, кои се и организатори на истата.
СИГМА- програмата која е фокусирана на јакнењето на јавниот менаџмент соработува со земјите кандидати за членство во ЕУ и потенцијалните кандидати, како и со европските соседски земји.
Главни цели на состанокот на министрите за финансии и јавна администрација е поддршката на економските реформи преку доброто јавно управување со создавање на конкурентна и бизнис-пријателска средина и преку подобрувањето на јавните услуги и подобрувањето на владеењето на правото.
