Република Македонија од денес го превзема претседавањето со Процесот за соработка во Југоисточна Европа (ПСЈИЕ).
Според министерот за надворешни работи, Никола Попоски приоритет на Македонија во едногодишното претседателствување ќе биде подобрување на имиџот на регионот преку економската соработка.
Тој очекува земјите-членки во ЕУ да покажаат соодветно ниво на свест за поддржување на останатите кои се кандидати и потенцијални кандидати да напредуваат на патот на евроинтеграција.
Состанокот на министрите за надворешни работи на земјите-членки на ПСЈИЕ е најстарата автохтона политичка иницијатива во регионот.
Претседателот на Република Македонија Ѓорге Иванов ќе учествува на Самитот на шефови на држави и влади при Процесот за соработка во ЈИЕ, кој се одржува во Белград.