На територијата на сегашна Република Македонија во 2466 година или после 453 години ќе „умре“ и последниот етнички Македонец пишува „Дневник“.
Секоја година бројот на Македонците да се намалува и по овој тренд на намалување нашион народ за пет века ќе го „снема“.
Пресметката е направена врз процентуалните соодноси на населението во земјава забележени на пописот во 2002 година.
Бројот на етничките Македонци во земјава минатата година секојдневно се намалувал за по осум Македонци. Односно, само минатата година имало 2.838 Македонци помалку, што е резултат на разликата помеѓу 11.985 родени бебиња и 14.823 умрени лица.
Државниот завод за статистика на крајот од минатата година објави дека во земјава имало 2.062.294 жители, излегува дека од нив 1.323.580 се Македонци, врз основа на застапеноста од 64,18 проценти од пописот пред 11 години.
Второ по бројност е албанското население, кое врз основа на процентот од 25,17 треба да ги има 519.079. Пресметката е правена под условот тогашните проценти да се задржани и сега, што е тешко за верување.
Во земјава 50 отсто, односно 42 општини имаат негативен природен прираст во 2012 година – Kарпош, Kисела Вода, Берово, Битола, Гевгелија, Делчево, Демир Kапија, Демир Хисар, Kавадарци, Kочани, Kратово, Kрива Паланка, Kрушево, Охрид, Пехчево, Прилеп, Пробиштип, Ресен, Свети Николе итн.
Според статистичките податоци бројот на етничките Албанци секојдневно се зголемува за 13 дневно. Но, според статистичарите, и овој тренд во иднина ќе запре.