Сообраќајот низ Македонија се одвива без забрани, по суви коловози во пониските и наместа влажни коловози на повисоките места.
Како што соопшти АМСМ, магла со видливост до 50 метри има на патот од Бошков мост до ХЕЦ Глобочица.
Се препорачува внимателно возење, прилагодена брзина на движење и почитување на поставената сообраќајна сигнализација. Според АМСМ, посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево и Виница – Берово, каде е можна почеста појава на одрони.