Магла со видливост од 50 до 100 метри вечерва има на планинскиот превој Стража, на патниот правец Гостивар-Маврово кај местото Бунец со видливост од 50 до 80 метри и на патниот правец Тетово-Попова Шапка од село Лисец-Попова Шапка со видливост од 20 до 30 метри.
Поради штрајк на грчките земјоделци, граничниот премин Евзони се уште е затворен за сообраќај. Премините Меџитлија (Битола) и Дојран се отворени за сообраќај.
Сообраќајот на државните патишта се одвива тековно по наместа влажни коловози.
Во клисурите и усеците можна е појава на помали одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
АМСМ препорачува внимателно возење, прилагодена брзина на движење и почитување на поставената сообраќајна сигнализација.