Сообраќајот на сите магистрални и регионални патни правци се одвива тековно во зимски услови, по наместа влажни коловози. Појава на магла со видливост до 50 метри има на планинските превои Попова Шапка и Ѓавато.
Сообраќајот кој се одвиваше по една коловозна лента поради голем одрон на патниот правец Скопје –Велес, е нормализиран.
По клисурите и усеците можна е зачестена појава на поситни одрони, посебно на патните правци Кочани-Делчево, Виница-Берово, Маврово-Дебар-Струга, Демир Капија-Удово и Катланово-Велес.
Дежурните екипи на ЈП „Македонија пат“ се на терен, редовно ги контролират и одржуваат проодни сите патни правци.