Врнежи од слаб снег има во Демир Капија и Удово, а магла со видливост до 100 метри на патните правци Велес – Катланово, Тетово – Скопје и Тетово – Гостивар, соопшти попладнево јавното претпријатие „Македонија пат“.
На останатите патишта низ државата сообраќајот се одвива тековно во зимски услови по претежно влажни коловози.
„Македонија пат“ апелира до возачите внимателно да возат и да ја прилагодат брзината кон условите на патот.