Сообраќајот на сите државни патишта во Македонија се одвива во зимски услови, по влажни коловози. Слаб снег паѓа на Попова Шапка и Маврово, но засега не се задржува на коловозот, додека во југозападниот дел од државата врне дожд, информира Автомотосојузот на Македонија во пладневниот извештај за состојбата на патиштата.
Поради појава на магла, намалена видливост до 50 метри има во Крушево и на планинскиот премин Пресека.
АМСМ препорачува исклучително внимателно возење, прилагодена брзина на движење на отежнатите услови за сообраќај и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.