„Либералната партија ги охрабрува 27-те советници во Советот на Општина Аеродром на денешната седница цврсто да застанат на страната на граѓаните.
Потребно е изнаоѓање решение за парцелата кај Мајчин Дом преку укинување на спорниот ДУП И10, и враќање на постоењето на зеленилото и паркот. Аеродром има доволно згради.
Бараме институциите да спроведат целосна истрага на кој начин оваа парцела од државна станала приватна сопственост во последните десетина години. Да се истражи зошто во урбанистичкиот план не е направена оценка за влијание врз животната средина, и за сето ова некој да сноси одговорност.
Само доколку се спроведат овие активности, ќе можеме да размислуваме дека полека но сигурно се тргаме од канџите на урбаната мафија и криминалот во политиката“, се вели во соопштението на ЛП.
