„Во врска со посетата на претставниците на ЕУ, Јоханес Хан, Едвард Кукан, Иво Вајгл и Кнут Флекенштајн во разрешувањето на политичката криза во Македонија, Либералната партија го осудува скандалот што го направи Иванов со што се покажа како крајно неспособен за функцијата која ја врши, и за тоа треба да поднесе одговорност.
Либералната партија смета дека најдобар резултат од посетата на функционерите од Брисел е утврдената можност во разрешувањето на кризата голема улога да има одлуката на ЕУ за почеток на преговорите за полноправно членство на Македонија во ЕУ и отворањето на поглавјата 23 и 24, во првите сто дена од формирањето на владата на парламентарното мнозинство на чело со СДСМ за која се собрани 67 потписи“, се вели во соопштението на Либералната партија.