Денеска е последниот ден за градоначалниците и советниците. И бидејќи кај нас има колку експерти толку ставови, никому не му е сосема јасно како од утре ќе функционира локалната самоуправа, која е надлежна за многу секојдневни барања и потреби на граѓаните.
И додека се тераше „високата“ политика и се опструираше избор на претседател, собраниски комисии, додека Ѓорге Иванов си поставуваше несфатливи и незаконски услови и желби кому ќе му го даде мандатот, не се ни помислуваше дека ќе дојде денот кога општините ќе се најдат во оваа состојба.
ВМРО-ДПМНЕ е заинтересирана да се одржат што е можно поскоро локални избори без формирање Влада, бидејќи речиси 90 проценти од градоначалниците доѓаат од нивните редови.
Очигледен е интересот оваа техничка Влада да ги спроведе локалните избори, а во бомбите чувме на каков начин и со кои методи ВМРО-ДПМНЕ се служи кога прави избори.
За опозицијата она што е неопходно за Република Македонија е формирање на Влада, а потоа и измени во Изборниот законик со кој ќе се надмине проблемот со продолжување на мандатот на градоначалниците и Советите.
Новата реформска Влада ќе ги превземе сите чекори и ќе организира фер и демократски локални избори. ВМРО-ДПМНЕ лицитираше со датумот на локалните избори и нудеше термини од јули до октомври.
Лидерот на СДСМ Зоран Заев изјави дека е можно локалните избори да се одржат наесен.
Според градоначалникот на општина Центар Андреј Жерновски, најоптимален рок за локалната изборна трка би бил месец октомври.