Локализиран е пожарот кој избувна попладнево кај валандовското село Дедели, соопшти Дирекцијата за заштита и спасување.
Пожарот зафати површина од 12 до 15 хектари со прнар, габер и сува трева
Локализиран, а потоа и изгаснат е и пожарот кај месноста Асан Чешма и Чичи Каја на 4 километри од локалитетот Смрдлива Вода на патот кон ски центарот Кожуф.
Нов пожар е забележан во попладневните часови кај селото Ваташа во општина Кавадарци, каде што гори сува трева и стрниште.
Во гаснењето учествуваат седум работници од шумското стопанство и седум пожарникари.