Минатата недела, уште еден работник беше жртва на градилиште при работа во необезбедени услови. До Левица стигнаа информации дека на градилиште на ул. „Пиринска”, каде инвеститор е фирмата ,,БИ-СИ”, работник додека го управувал багерот истиот се превртил што било фатално за работникот. Согласно законските обврски, работодавецот е должен во рок од 48 часа да ја пријави незгодата, се вели во реакцијата на Левица.
-Јавно го прашуваме Трудовиот инспекторат до каде е со истрагата и веднаш да објави во јавноста за резултатите од истата. Ова е еден од многу случаи за кои јавноста нè алармира, а се случуваат секојдневно на градилиштата. Работниците освен што работат без заснован работен однос, исто така работат и во тешки услови изложени на лоши временски услови без притоа да бидат осигурани. Иако се бележи раст на вакви трагедии на работно место, сепак нема информации дека било кој сопственик на компанија бил ригорозно санкциониран. Неказнивоста на компаниите само ги зголемува изгубените животи на работниците на работно место, каде животот на работникот е безвреден во трката за профит – велат од партијата.