Околу 4.000 објекти во општина Тетово веќе се легализирани во согласност со Законот за легализација на бесправно изградените објекти .
По оваа основаопштинскиот Сектор за урбанизам има примено околу 8000 барања,но со дел од поднесените документи има определени проблеми, информираат од Секторот за урбанизам во Општина Тетово.
„Најголем број од сѐ уште нерешените барања имаат проблем со геодетските елаборати, кои не се целосни, поради што им ги враќаме на барателите да ги докомплетираат, особено во делот на расчистување на имотно-правните односи и приватизирањето на земјиштето“, рече Неџати Зулбеари од Секторот за урбанизам.
Понесувањето на барањата за легализација на бесправно изградените објекти заврши во септември 2011 година.
Сите барања треба да бидат одбиени или прифатени од општинските комисии во следните шест години, но, како што напомена Зулбеари, оние чии предмети не се решени, а имаат проблеми со докуметацијата, мора целосно да ја докомплетираат до јуни 2014 година.
Г.М.