ВИДЕО: ЛДП ќе поднесе иницијатива за легализација на марихуаната, партијата тврди дека не е поврзано со Богоевски

Од:

Пратеничката Јулијана Николова од ЛДП најави дека како пратеничка група ќе иницираат закон за легализација на марихуаната, не само за медицинска употреба како што беше досега, туку за општа употреба.

Како што рече Николова, ова законско решение ќе го иницираат со цел сите во општеството да имаат еднаков пристап.

Не сакаше да коментира за нејзиниот колега Павле Богоевски и рече дека аудио снимката на која се слуша неговиот глас не е докажано дали е автентична.

На прашањето каква е разликата помеѓу „бомбите“ од 2015 година и оваа аудио снимка, Николова рече дека се работи за два различни моменти.

„Во оваа снимка која што не е докажана, се надевам дека институциите ќе се занимаваат со тоа, се работи за напад на достинството на поединец, а во 2015 се работеше за цела политичка гарнитура која работеше против интересите на државата и има разлика. Дали пратениот треба да поднесе одговорност, не можам да зборувам во негово име, ќе си каже самиот“, рече Николова.

На прашањето зошто токму сега инцираат легализација на марихуаната по скандалот со Богоевски, Николова образложи дека нема поврзаност со настанот и дека на овој проект работеле со месеци во соработка со неколку амбасади и со Здужението „Билка“.

Габриела Димковиќ-Мишевска

Би можело да ве интересира

СДСМ: Скопјани се гушат, ќе побара ли Мицкоски одговорност од Претседателот на Управниот одбор на „Дрисла“ и негов советник?

ВМРО-ДПМНЕ: Шукова повторно продава исти лаги за Вардариште, во 2020 лажеше со Заев сега како кандидат лаже со Филипче

Предраг Петровиќ

ВМРО-ДПМНЕ: Државата оди напред, граѓаните живеат подобро

Горан Наумовски

СДСМ ги објави кандидатите за градоначалници за Шуто Оризари, Илинден, Кочани и Долнени

Скопјани се трујат од отровен чад и канцерогени честички поради горење на депониите Дрисла и Вардариште, велат од СДСМ

Левица: Скандалозниот тендер на Јанушев од еден милион евра заврши кај поранешен советник на СДС во Струмица