Да престанат политичките апсења. Ова е пораката која сакаме да ја упатиме до режимот на власт, како крајно неприфатливо и насиличко однесување во оваа фаза на политичката криза во државата. Обидот да се приведуваат граѓани, активисти и борци за слобода и демократија е кукавички чин и јасно го покажува стравот кај оној што апси, од револтотот и незадоволството на граѓаните на Македонија.
Ваквото практицирање на власта само го потврдува криминалниот и авторитарен карактер на власта, која треба да знае дека револтот е толку голем, а причините за протестите толку јасни, што ваквите нарачани апсења можат само да ја засилат борбата за слобода и демократија, за владеење на правото и за еднаков третман на сите пред законот.
Затоа Либерално-демократската партија апелира да се престане со приведувањето на учесниците во протестите, а на граѓаните им порачува да не подлегнуваат на стравот, бидејќи нивната борба е автентична и слободоумна.
Пораката е јасна – да ја вратиме слободата и демократијата, велат од ЛДП.
