Непознато лице ноќеска, 20 минути по полноќ телефонски се јавило во Полициската станица Куманово и пријавило дека во ноќниот клуб „Револушн“ има поставено експлозивна направа.
Како што информира денеска МВР, стручните лица од Одделот за антитероризам при МВР на РМ извршиле увид на местото и констатирано е дека во објектите нема поставено експлозивна направа и оти се работи за лажно пријавување.
На терен интервенирале полициските службеници од СВР Куманово, а сите лица биле евакуирани поради безбедносни причини.
СВР Куманово работи на целосно расчистување и документирање на настанот.
