Лице кое лажно се претстави како лекар измами 77-годишна штипјанка за сума од 700.000 денари, соопштија од СВР Штип.
Вчера околу 16:30 часот, жената пријави дека претходно во текот на денот доби телефонски повик од непознато лице кое ѝ се претставило како лекар.
Лицето ја информираше дека нејзината сестра се наоѓа во болница поради скршеница на ногата и дека е неопходна итна операција со вградување метални шипки.
Според пријавата, измамникот побара пари за наводна интервенција, по што жената, во неколку наврати, ги однесе договорените средства на посочено место, предавајќи вкупно 700.000 денари.
Подоцна, во нејзиниот дом кога дојде нејзината внука, по што заедно стапија во контакт со сестра и, тогаш утврдија дека таа воопшто не беше хоспитализирана, при што оштетената сфати дека е жртва на измама.
Од полицијата информираат дека се преземаат мерки за пронаоѓање на сторителот и расчистување на случајот.