Првиот квартален мониторинг бриф од следењето на спроведувањето на Стратегијата за реформи во правосудството (2017-2022) ќе биде презентиран денеска на прес-конференција во Скопје.
Станува збор за активност во рамките на проектот „ЗА ПРАВДА“-заедничка акција за следење на реформите во судството и застапување за нивно спроведување, што го спроведува Хеслиншкиот Комитет за човекови права, со поддршка од Фондацијата Отворено општество-Македонија.
-Овој извештаен период го опфаќа кварталот август-ноември 2018 година, период во кој требаше да завршат повеќе активности предвидени со Акциониот план за спроведување на Стратегијата за реформи во правосудството (2017-2022) и да бидат донесени повеќе закони. Со анализа на добиените податоци дадена е оценка на: транспарентноста, вклученоста на засегнатите страни и граѓанските организации, почитувањето на временската рамка и имплементацијата на донесените закони, наведуваат организаторите.
Партнерски организации во проектот се: Коалиција сите за правично судење, Македонско здружение на млади правници, Институт за европски политики, Институт за човекови права и Центар за правни истражувања и анализи.