Територијалната противпожарна единица Куманово во текот на вчерашниот ден интервенирала на пет пожари во околината на градот, во рурални средини каде претежно горела сува трева, информираат денеска од Регионалниот центар за управување со кризи.
Според соопштението, првиот пожар е евидентиран во село Зубовце каде горела сува трева. Речиси во истиот период, запалена сува трева имало и во Табановце. Еден час подоцна горело и во Доброшане во месноста Студена вода.
Пожарникарите интервенирале и во село Облавце во Општина Старо Нагоричане. Последната интервенција била за запалено дрво од електрична жица во попладневните часови. Вчера и денеска во Куманово има силен ветер.