Кумановските пензионери утревечер во Народниот театар ќе ја изведат претставата „Ленче кумановче“. Се очекува на претставата да присуствуваат и пензионерски здруженија од повеќе градови на Македонија.
-Во претставата играат наши актери од драмската секција кои добиваа многу пофалби дека глумат како вистински професионалци. Ангажирани се дваесетина актери. Има најави дека ќе ни дојдат педесет членови од Здружение на воени пензионери од Скопје – изјави претседателот на Здружението на пензионери од Куманово, Спирко Николовски.
Влезот е бесплатен, а претставата започнува од 19 часот.
Елена Георгиевска