Кумановската полиција информираше дека сообраќајната несреќа во која вчера двајца пешаци се здобија со тешки телесни повреди, а двајца возачи со телесни повреди се случила откако возачот на патничко моторно возило „БМВ“ движејќи се кон центарот на градот, пред крстосницата, изгубил контрола, при што удрил во бетонска жардињера, а потоа удрил во задната страна на автомобил „РЕНО“ кој го управувал 44-годишниот И.Н., кој чекал на семафорот.
Од кумановската полиција на денешната прес-конференција соопштија дека сообраќајна несреќа се случила вчера околу 17 часот на крстосницата помеѓу булеварите „Трета МУБ“,„Октовмриска револуција“ и „Благоја Богдански Гуцман“.
– До несреќата дошло, откако 35-годишниот Б.М. кој управувал со патничко моторно возило, марка „БМВ“, со кумановски регистарски таблички, движејќи се кон центарот, пред крстосницата, изгубил контрола, при што удрил во бетонска жардињера, а потоа удрил во задната страна на автомобил „РЕНО“ кој го управуван 44-годишниот И.Н., кој чекал на семафорот. Од ударот автомобилот „рено“ удрил во друго возило кое се наоѓало пред него, а потоа излетало на десна страна од коловозот и удрило во петнаесетгодишните А.С и Т.Ц кои стоеле на тротоарот, рече Валентина Николовска од СВР Куманово.
По незгодата, во кумановската болница биле пренесени и пешаците и возачот И.Н. Двете девојчиња се пренесени во Ургентен центар во Скопје и Т.Ц. се уште е во животна опсаност. Возачот на „реното“ е задржан на лекување, а подоцна и возачот на автомобилот „бмв“, Б.М. се јавил на лекар по што и тој е задржан на лекување.
СВР Куманово работи на целосно расчистување и документирање на настанот, по што против возачот Б.М. ќе биде поднесена кривична пријава.