Повеќе екипи од Дирекцијата за заштита и спасување, противпожарни служби и јавни претпријати се на терен и работат за да ги затворат изливните места на речните корита, соопшти Центарот за управување со кризи.
Тие нагласија дека до крајот на денот очекуваат водата да се повлече, доколку нема повторно врнежи.
-Не се чистат коритата на реките, туку се затвараат од страна со вреќи песок, односно се поставуваат одбранбени ѕидови. Водата се испумпува од куќите и помошните објекти. Под вода се многу обработливи површини, а најпогодени се Средорек, улицата „Никола Тесла“ и селата Шупли Камен, Клечовце и Јачинце – изјавија од Центарот.
Во кумановско под вода се околу 2000 хектари површина, додека во општината Старо Нагоричане поплавени се 2.500 хектари.
Елена Георгиевска