И покрај зголемувањето на водостојот на реките по последниве врнежи од дожд, во кумановско-липковскиот регион нема опасност од излевање на водите од речните корита, информираа од Центарот за управување со кризи.
Тие нагласија дека ја следат состојбата и доколку има потреба веднаш ќе интервенираат.
-Не се очекуваат полави во нашиот регион, бидејќи речните корита се исчистени и можат да примат двојно повеќе вода во однос на изминатиот период. Има благо покачување на водите, но тоа не претставува опасност за домаќинствата и земјоделското земјиште – изјавија од Центарот, за „Кумановоњуз“.
Елена Георгиевска