Во Центарот за култура „Трајко Прокопиев“ во Куманово младите членови на ВМРО-ДПМНЕ и ДПСМ даруваа крв. Од крводарителите беа соберени околу 40-ина крвни единици.
Ова е хуманитарна акција која ја организираме по петти пат. Во оваа календарска 2013 година за првпат организираме крводарителска акција, тука не застануваме. Досега согласно проекциите беше предвидено на оваа крводарителска акција да се појават 40 до 50 крводарители. Но таа бројка ќе се надмине. На половина од акцијата сме, и досега има собрано околу 40 единици крв – изјави претседател на УМС на ВМРО – ДПМНЕ Куманово, Срѓан Ивановски.
Претседателот на млади од ДПСМ, Далибор Китановиќ истакна дека сакаат да пратат порака до граѓаните во Куманово, без разлика на партиска, верска или каква било определеност треба да учествуваат во вакви хуманитарни акции.
Елена Георгиевска