Утревечер во зградата на Комитет ќе се одржи политичка дебата, на која што ќе присуствуваат кандидатите за градоначалници на Куманово.
На дебатата ќе учествуваат седум кандидати, меѓу кои и градоначалникот Зоран Дамјановски (СДСМ), Зоран Ѓорѓиевски (ВМРО-ДПМНЕ и Коалиција за подобра Македонија), независниот кандидат Виктор Цветковски, Ариф Латифи (ДУИ), Фатри Селиу (НДП), Халил Куртиши (ДПА) и Предраг Божиќковиќ (СНП).
На настанот ќе присуствуваат и претставници од странски амбасади, луѓе од невладиниот сектор и многу други.
Организаторите на дебатата Младите Европски Федералисти на Македонија сметаат дека политичката дебата и аргументираното конфронтирање на претедентите за народниот глас е составен и неопходен дел од демократското уредување на едно општество.
Целата дебата ќе може да се следи и преку интернет.
Елена Георгиевска